واقف ومتحير
موش عارف اتغير
سلمت بايديا
احلامى للعسكر
ونسيت هناك جلاد
لو مره كان يبطش
كا يأمر العسكر
وانا بين ايدين الكل
تايه ومتحير
لو قلت يوم دستور
صوتى يتوه فى النور
يقولولى ده تعديل
وبكره هنغير
والدم اصبح نور
جوه الميدان فيه نور
فوق الرصيف فيه نور
دم الشهيد ده نور
راجعه البلد هتثور
هنحاكمه هنحاكمه مهما الزمان هيدور
ولا مرة يحكمنى ريس بدون دستور
ياهل الكرم لله
دستور جديد لله
ريس جديد لله
امين ومايخونشى
يخدم ما يحكمشى
غير بالعداله وبس
الرحمه يا اهل الخير
انا زيكم مصرى
واللى اتقتل مصرى
واللى قتل مصرى
واللى نهب مصرى
واللى اتنهب مصرى
واللى ظلم ف الكل
ماهو برده كان مصرى
واللى اخترع مصرى
واللى اتسجن مصرى
ينخر فى جسمى السوس
وكأنى مش مصرى
يا سيد العسكر
تشكر وممنونين
لكن ما نيش مديون
دا انا اصل كل الخير
فى الاصل كان ملكى
يعنى انا السلطان
وهما خدامى مش يعنى لما اثور
تبيحو اعدامى
امى الحبيبه مصر
بعد الرحيل والنصر
حقك على راسى
واكتب فى كراسى
الجرح كان منى
والفرح كان منى
وانتى اللى بتسامحى
مرسومه فى ملامحى
واعظم مكان فى الكون
ماانتى الحبيبه مصر